Аяздағы тіршілік

  • Фильм жайлы ақпарат
  • Фильм жайлы ақпарат

    Фильмнің қысқаша мазмұны

    Ақ аюлардан император пингвиндеріне дейінгі өсімдіктер мен жануарлар Жер бетіндегі ең қатал мекен – Поляр аймағында тіршілігін қалай сақтайды?

    Маңызды деректер

    • Көптеген жануарлар Жердің ең суық аймақтарында өмір сүруде.
    • Ақ аюлар тері асты майлары мен қара түсті терісі арқылы жылынады.
    • Пингвиндер желден қорғану үшін бір-біріне жабысып тұрады.
    • Олар бейімделіп, өмір салттарын өзгерте отырып, суықта тірі қалып, әрі қарай дами алады.
  • Транскрипт
  • Транскрипт

    Транскриптті жүктеу

    Полярлық өңірлердегі мұз құрсанған аймақтар әлемдегі ең суық жерлерге жатады. Онда қысқы температура минус 90 градусқа дейін жетеді.

    Соған қарамастан, осындай қатігез аймақта да әртүрлі хайуанаттар тіршілік етіп, өсіп-өнеді.

    Қане, соларды барлап көрейік.

    Ақ аю осы ортаның басты символдарының бірі болып табылады.

    Ол жылықанды сүтқоректілердің қатарынан болғандықтан, дене температурасын тұрақты ұстап тұруы қажет.

    Оның май қатпары, яғни шелді терісі мен қалың ақ түбіт жүні жылуды сақтайды.

    Ұзын, салалы жүні ауаны тұтып, ағзаны аяздан қорғайды және терінің ылғалдануына жол бермейді.

    Ақ аюдың ақ қылшық жүні ақ болғанмен, терісінің түсі қара болып келеді, сондықтан ол күннің жылуын жақсы сіңіреді.

    Қысқы ұйқы жануарға ең қатал қыс айларын тыныш өткізуге мүмкіндік береді.

    Жүрек соғысының жиілігі баяулап, дене температурасы төмендейді де, жануарлар май қоры есебінен қоректенеді.

    Ақ аюдың бейімделуі: Май немесе шелді терісі. Қалың қорғаушы тері. Жылуды сіңіретін қара тері. Қысқы ұйқы

    Дене көлемі мен бітіміне сәйкес бейімделу жылудың жоғалуын барынша азайтады.

    Қол-аяқтағы жылуды барынша үнемдеу үшін, суық жерді мекендейтін жануарлардың денесі, әдетте, ауқымды және дөңгеленген жұмыр болып келеді.

    Поляр түлкісінің денесі домаланған, аяқтары мен құйрығы қысқа. Мұндай пішім оған минус 40 градус Цельсийға да оңай төзуге мүмкіндік береді.

    Мұндай үйлесімді дене бітімі мен мінез-құлық дағдылары олардың тіршілік етуіне оңтайлы мүмкіндіктер туғызады.

    Императорлық пингвиндер жылыну үшін, сондай-ақ өздерін және балапандарын желден қорғау мақсатында олар тығыз топтанып тұрады.

    Бұл – мінез құлықтық бейімделу.

    Пингвиндер сүйірленген ықшам дене бітімі, қалың тері асты майы мен қауырсын қатпарларының көптігінен аязға әбден бейімделген.

    Императорлық пингвиннің суыққа бейімделуі: Май. Сүйірленген дене бітімі. Қауырсын қатпарларының көптігі. Жылыну үшін тығыз топтанып тұру

    Осынау ұшы-қиырсыз мұз құрсаудың, қар мен желдің тұнжыраған полярлық өлкесі өзінше үлкен топ құрайтын тамаша тіршілік иелерінің құт мекені болып отыр.

    Олардың әрқайсысы – бейімделудің көрнекті нәтижесі.

  • Ұқсас фильмдер
  • Ұқсас фильмдер