+7 (727) 344 95 95
Қазақша

Құс жолының қара құрдымы

Сынып бөлмесінде көру

Оқу материалдары
  • Фильм жайлы ақпарат

  • Фильм жайлы ақпарат

    Фильмнің қысқаша мазмұны

    Ғалымдар біздің Галактиканың орталығынан 26 000 жарық жылындай қашықтықта орналасқан аса үлкен қара құрдым бар деп болжайды. Алайда оны көзбен көрмей, ғалымдар қалай біледі?

    Маңызды деректер

    • Қара құрдымдар массивті жұлдыздар бір нүктеге жинақталып, өздерімен соқтығысқанда түзіледі.
    • Қара құрдымдардың тығыздығы сонша, тіпті жарық та оның шексіз гравитациясынан құтыла алмай, жоғалып кетеді.
    • Жұлдыздардың қозғалысын зерттей келе, ғалымдар Құс жолының орталығындағы Мерген А деген қара құрдымды анықтағанына сенді.
    • Мерген А Жерден 26 000 жарық жылына тең қашықтықта орналасқан.
  • Транскрипт

  • Транскрипт

    Транскриптті жүктеу

    Көптеген галактикалардың ортасында алып әрі талқандаушы күшке ие әлдебір нәрсе болады деген пікір қалыптасқан. Ол біздің галактикамызға да тән.

    Бұл – алып қара құрдымның мекені.

    Қара құрдым ірі жұлдыздар нүктенің өлшеміне дейін сығылғанда қалыптасады.

    Олардың тығыз болғандығы соншалық, тартылыс күшінің әсерінен тіпті жарықтың өзі құтыла алмайды.

    Бірақ оны көрмей тұрып, галактикамыздың ортасында қара құрдым бар деп қалай айта аламыз?

    Гавай аралындағы Кек телескобы - әлемдегі ең мықты телескоптардың бірі.

    Кек телескобы

    Астроном Андреа Гез Құс жолының ортасына жақын көмескі жұлдыздарды зерттеу үшін осы телескопты пайдаланды.

    Доктор Андреа Гез, Калифорния университеті – "Міне, кеше түнде алынған суреттердің бірі. Көріп тұрғанымыздай, көмескі жұлдыздар біз бақылап отырған аумақтың ортасына қарай орналасқан және бұл жұлдыздар біз үшін өте маңызды. Осы жұлдыздардың қозғалысына қарап, қарақұрдымның бар екендігіне көз жеткіземіз".

    Бұл жұлдыздар ортадағы денені өте жылдам айналуда.

    Секундына 6000 км

    Жердің Күнді айналатындығы сияқты, жұлдыздар да осы денені айнала қозғалады.

    Жұлдыздардың жылдамдығына қарай отырып, дененің олардан төрт миллион есе ауыр екендігін аңғаруға болады.

    4 миллион Күн массасы

    Орбита көлеміне қарап, дененің барынша тар аумаққа жиырылатынын байқай аламыз. Геза өзгелер сияқты жұлдыздар айналып жүрген алып қара құрдымның атауы – Мерген A-жұлдызы екендігіне сенімді.

    Мерген А*

    Оның Жерден ара қашықтығы – 26000 жарық жылы.

    Яғни Күнмен салыстырғанда біз оның оқиғалар көкжиегінен 1,5 миллиард есе алыс орналасқан екенбіз.

    Галактика осы алып қара құрдымды айналады, ал ол ортада қозғалыссыз күйде тұр.

    Құс жолындағы жұлдыздар қара құрдымға қарай тартылмайды және басқа дене қара құрдымның жолын кеспейінше, ол еш нәрсені жұтпайды.

  • Ұқсас фильмдер

  • Ұқсас фильмдер